8 اکتوبر زلزلے کے تباہ کن مناظر آج بھی تازہ ہیں ، مشعال ملک

حریت رہنما یاسین ملک کی اہلیہ مشعال ملک نے کہا ہے کہ 8 اکتوبر 2005 کے زلزلے کے ہولناک مناظر آج بھی تازہ ہیں۔8 اکتوبر 2005 کے زلزلے کے دن پر پیغام جاری کرتے ہوئے مشال ملک نے کہا ہے کہ 8 اکتوبر 2005 کے ہولناک زلزلے کو 19 برس بیت چکے ہیں، اس زلزلے کے ہولناک مناظر آج بھی میرے سامنے تازہ ہیں، یہ بہت افسوسناک ہے۔ دکھ ہے کہ کچھ لمحوں میں گاں گاں مٹ گئے۔مشعال ملک نے کہا ہے کہ کئی سڑکیں اور عمارتیں تباہ ہوئیں، 90 ہزار کے قریب لوگ اس حادثے کا شکار ہوئے، جن میں 19 ہزار کے قریب بچے بھی شامل تھے، آج ان ہزاروں شہدا کو خراج عقیدت پیش کرتا ہوں۔انہوں نے اپنے بیان میں مزید کہا ہے کہ اللہ ان شہدا کے درجات بلند کرے، اس زلزلے سے 35 لاکھ کے قریب لوگ بے گھر ہوئے، ہمیں ان لوگوں کی مدد کی کوشش کرنی چاہیے۔