وزیراعلی کرناٹک کو جنگ کے خلاف بیان مہنگا پڑگیا

بھارتی ریاست کرناٹک کے وزیراعلی سدا رامیہ کو پاکستان سے جنگ کے خلاف بیان دینا مہنگا پڑ گیا ہے۔انتہا پسند حکمران جماعت بھارتیہ جنتا پارٹی(بی جے پی)نے سدا رامیہ کے بیان پر شدید تنقید کی جس کے بعد کرناٹک کے وزیراعلی اپنا بیان بدلنے پر مجبور ہوگئے۔
نئے بیان میں سدا رامیہ نے کہا کہ ان کے کل کے بیان کا مطلب یہ تھا کہ جنگ صرف اس وقت ہونی چاہیے جب کوئی اور چارہ باقی نہ رہے کیونکہ جنگیں کبھی بھی مسئلے کا حل نہیں ہوتیں۔گزشتہ روز سدا رامیہ نے کہا تھا کہ پہلگام واقعہ سیکیورٹی کی ناکامی ہے، بھارت کو پاکستان کے ساتھ جنگ کی کوئی ضرورت نہیں ہے۔