ایران بس حادثے میں جاں بحق پاکستانی زائرین کی میتیں آج پاکستان پہنچے گی

ایران کے شہر یزد میں بس حادثے میں جاں بحق پاکستانی زائرین کی میتیں آج پاکستان پہنچے گی۔ذرائع کے مطابق ایران بس حادثے میں جاں بحق اور زخمی ہونے والے پاکستانی زائرین کو آج سکھر منتقل کیا جائے گا، میتوں کو خصوصی طیارے سے پاکستان لایا جائے گا، خصوصی طیارہ آج سہہ پہر ایران پہنچے گا۔خصوصی طیارہ میتوں کو لے کر آج رات سکھر پہنچے گا، اس حوالے سے ایرانی ایوی شن سے پاکستانی حکام کی بات چیت جاری ہے۔سکھر ایئرپورٹ پر ایران بس حادثے کا شکار زائرین کو منتقل کرنے کی تمام تیاریاں مکمل ہیں، زائرین کی میتوں کو ان کے اہل خانہ کے حوالے کیا جائے گا۔واضح رہے کہ لاڑکانہ سے مقامات مقدسہ کی زیارت کے لیے جانے والی زائرین کی بس ایران میں حادثے کا شکار ہوگئی تھی جس میں 28 زائرین جاں بحق ہوئے تھے۔سید اطہر شاہ شمسی کا قافلہ دو بسوں اور 110 زائرین پر مشتمل تھا، زائرین کی ایک بس ایران کے شہر یزد پہنچی جہاں بس کے مبینہ طور پر بریک فیل ہوئے۔