خیبر پختونخوا ، قومی اسمبلی کے 36 حلقوں پر کامیاب امید واروں کے نوٹیفکیشن جاری

الیکشن کمیشن نے خیبرپختونخوا سے قومی اسمبلی کے 36 حلقوں کے کامیاب امیدواروں کا نوٹیفکیشن جاری کردیا۔این اے 41 لکی مروت سے شیر افضل مروت اور این اے 35 کوہاٹ سے شہریار آفریدی کی کامیابی کا نوٹیفکیشن۔الیکشن کمیشن نے این اے 37 کرم سے مجلس وحدت المسلمین کے حمید حسین، این اے 30 پشاور سے شاندانہ گلزار، این اے 31 پشاور سے شیر علی ارباب کی کامیابی کا نوٹیفکیشن جاری کردیا۔اِی سی پی نے این اے 19 صوابی سے اسد قیصر اور این اے 20 صوابی سے شہرام خان تراکئی کا نوٹیفکیشن بھی جاری کر دیا۔قومی اسمبلی کے حلقے این اے 8 پر الیکشن ملتوی ہونے جبکہ این اے 15،این اے 27، این اے 40 اور این اے 43 کا نوٹیفکیشن جاری نہیں ہوا۔