دہشتگردی کے مقدمے میں سلمان اکرم راجہ کی عبوری ضمانت منظور

لاہور ہائی کورٹ نے پاکستان تحریک انصاف (پی ٹی آئی)کے رہنما سلمان اکرم راجہ کی 15 اکتوبر تک عبوری ضمانت منظور کر لی۔اسلام آباد میں درج دہشت گردی کے مقدمے میں سلمان اکرم راجہ کی حفاظتی ضمانت کی درخواست کی سماعت ہوئی۔جسٹس شہباز رضوی پر مشتمل دو رکنی بنچ نے درخواست کی سماعت کی۔واضح رہے کہ سلمان اکرم راجہ کے خلاف تھانہ سیکرٹریٹ اسلام آباد میں دہشت گردی کا مقدمہ درج ہے۔