مہنگائی کی شرح میں مزید کمی پر وزیراعظم کا اظہار اطمینان

وزیراعظم شہباز شریف نے مہنگائی کی شرح میں مزید کمی پر اطمینان کا اظہار کیا ہے۔ وزیراعظم نے اپنے بیان میں کہا کہ مارچ 2025 میں مہنگائی کی شرح 0.7 فیصد ریکارڈ ہوئی ہے۔ گزشتہ سال اسی ماہ یہ شرح 20.7 فیصد تھی۔
وزیراعظم شہباز شریف کا کہنا تھا کہ اس وقت ملک میں مہنگائی کی شرح 6 دہائیوں کی کم ترین سطح پر ہے۔انہوں نے کہا کہ مہنگائی کی شرح میں کمی حکومتی پالیسیوں کی درست سمت میں ہونے کا ثبوت ہے، مہنگائی کی شرح میں کمی سے عام آدمی کی زندگی پر مثبت اثرات سامنے آرہے ہیں۔وزیراعظم کا کہنا تھا کہ مہنگائی میں کمی سے بتدریج ملکی معیشت پر مثبت اثرات ظاہر ہورہے ہیں۔انہوں نے کہا کہ ملک ترقی کی راہ پر گامزن ہوچکا ہے، حکومت عوامی فلاح و بہبود کیلیے دن رات محنت کر رہی ہے۔