پاکستان اور انگلینڈ کے درمیان ٹیسٹ سیریز کے لیے میچ آفیشلز کا اعلان کر دیا گیا ہے۔سیریز میں ویسٹ انڈیز کے سر رچی رچرڈسن آئی سی سی کے میچ ریفری ہوں گے، سری لنکا کے کمار دھرماسینا اور بنگلہ دیش کے شرف الدولہ سیکت پہلے ٹیسٹ میچ میں آن فیلڈ امپائر ہوں گے۔دوسرے ٹیسٹ کے لیے آن فیلڈ امپائرز نیوزی لینڈ کے کرسٹوفر گیفنی اور سری لنکا کے کمار دھرماسینا ہوں گے۔کرسٹوفر گیفنی اور شرف الدولہ سیکت تیسرے ٹیسٹ میں آن فیلڈ امپائر ہوں گے۔واضح رہے کہ پاکستان اور انگلینڈ کے درمیان پہلا ٹیسٹ میچ 7 اکتوبر سے ملتان کرکٹ اسٹیڈیم میں کھیلا جائے گا۔دوسرا ٹیسٹ بھی 15 اکتوبر سے ملتان میں کھیلا جائے گا جبکہ تیسرا اور آخری ٹیسٹ 24 اکتوبر سے راولپنڈی میں کھیلا جائے گا۔
تبصرے (0)
اپنا تبصرہ لکھیں