ہر دہشت گردی کے پیچھے را کا ہی ہاتھ رہا ہے، بیرسٹر گوہر

چیئرمین پاکستان تحریک انصاف (پی ٹی آئی)بیرسٹر گوہر علی خان نے کہا ہے کہ ہر دہشت گردی کے پیچھے را کا ہی ہاتھ رہا ہے۔قومی اسمبلی اجلاس سے خطاب میں بیرسٹر گوہر علی خان نے کہا کہ ہم آج پوری قوم کو مبارکباد دیتے ہیں، بھارت نے اگر دوبارہ حرکت کی تو اس سے سخت جواب ملے گا۔
انہوں نے کہا کہ ہر دہشت گردی کے پیچھے ہاتھ را کا ہی رہا ہے، آج ہم نے واضح کیا کہ سرکار آپ کی سہی لیکن دیس ہمارا بھی ہے۔چیئرمین پی ٹی آئی نے مزید کہا کہ بانی پی ٹی آئی نے واضح کہا ہے کہ ہم نے بات چیت کے دروازے کبھی بند نہیں کیے۔