Site icon Daily Pakistan

بھارت امریکہ تعلقات میں قربتیں بڑھنے لگیں

بھارت امریکہ تعلقات میں قربتیں بڑھنے لگیں

بھارت امریکہ تعلقات میں قربتیں بڑھنے لگیں

ترجمان امریکی محکمہ خارجہ نیڈ پرائس نے عمران خان پر قاتلانہ حملے کی شدید مذمت کرتے ہوئے کہا ہے کہ پاکستان میں تمام جماعتوں کو اپنے معاملات بات چیت سے حل کرنے چاہیے ۔
نیڈ پرائس کا کہنا تھا کہ سرد جنگ میں شروع ہونے والے روس اور بھارت کے تعلقات دہائیوں پر محیط ہیں۔امریکا کے ساتھ بھارت کے اقتصادی، سکیورٹی اور عسکری تعلقات نہیں بن سکے تھے۔ دو دہائیوں میں بھارت امریکا تعلقات آگےبڑھے ہیں۔ آنے والی انتظامیہ بھی بھارت سے تعلقات جاری رکھے گی۔
پاکستان میں ہونے والے حالیہ واقعات پر تشویش کا اظہار کرتے ہوئے نیڈ پرائس نے کہا کہ عمران خان اور دیگر زخمیوں کی جلد اور مکمل صحت یابی کیلئے دعاگو ہیں ۔ لوگوں کو پُر امن احتجاج کا حق حاصل ہونا چاہیے ۔ پاکستانی عوام کے ساتھ کھڑے ہیں ، تشدد کی سیاست میں کوئی جگہ نہیں ۔
ترجمان امریکی محکمہ خارجہ نیڈ پرائس نے میڈیا بریفنگ میں کہا کہ تشدد کی سیاست میں کوئی جگہ نہیں۔ پاکستان تحریک انصاف کے چئیرمین عمران خان پر فائرنگ کے واقعے کی شدید مذمت کرتے ہیں۔
ترجمان امریکی محکمہ خارجہ نے کہا کہ امریکا ایک جمہوری اور پُر امن پاکستان کیلئے پُر عزم ہے ۔ تمام جماعتوں سے مطالبہ ہے تشدد، ہراساں اور ڈرانے سے باز رہیں ۔
نیڈ پرائس نے مزید کہا کہ آزاد میڈیا جمہوریت کیلئے اہم ہے ۔ پاکستان سمیت دنیا بھر میں میڈیا کی آزادی پر بات کرتے رہیں گے ۔
امریکی محکمہ خارجہ کے ترجمان کا مزید کہنا تھا کہ آزادی اظہار سے متعلق دنیا کے دیگرممالک کی طرح پاکستانی حکام سے بھی بات چیت ہوتی رہتی ہے۔ پریس اور شہریوں کی اظہار رائے کی آزادی کسی بھی قوم اور ملک کے مستقبل کے لیے اہم ہے۔

Exit mobile version