ژوب میں دوران آپریشن ایک دہشت گرد ہلاک جبکہ ایک سپاہی شہید

بلو چستان کے علاقہ ژوب میں کیئے جانے والے ایک آپریشن کے دوران سیکورٹی فورسسز نے ایک دہشت گرد کو ہلاک کر دیا جبکہ ایک سپاہی نے جام شہادت نوش کیا فوج کے شعبہ تعلقات عامہ کے مطابق ژوب کے علاقے سمبازہ میں دہشت گردوں کی جانب سے مشتبہ راستوں کو استعمال کرتے ہوئے پاکستان افغانستان بارڈر سے خیبر پختون خواہ میں گھسنے کے لیے بین الصوبائی حدود کے ساتھ ساتھ شہریوں اور سیکیورٹی فورسز کو نشانہ بنایا جا سکے، خفیہ اطلاعات موصول ہونے کے بعد علاقے کی مسلسل نگرانی کے نتیجے میں دہشت گردوں کے ایک گروپ کو آج علی الصبح پکڑ لیا گیا۔ ان کے فرار کے راستوں کو روکنے کے لیے ناکہ بندی کی پوزیشنوں کے قیام کے دوران، دہشت گردوں نے سیکورٹی فورسز پر فائرنگ کی۔ شدید فائرنگ کے تبادلے کے دوران 1 دہشت گرد ہلاک جبکہ سپاہی حق نواز نے شہید ہو گئے اور 2 سیکورٹی اہلکار زخمی بھی ہوئے۔ دہشت گردوں کو سرحد پار سے ان کے سہولت کاروں نے فائر کے ذریعے مدد فراہم کی۔ باقی دہشت گرد عناصر اور ان کے سہولت کاروں کو پکڑنے کے لیے علاقے میں کلیرنس آپریشن جاری ہے