ایس سی او اجلاس ، اسلام آباد میں سکیورٹی کے سخت انتظامات

شنگھائی تعاون تنظیم (ایس سی او)کے اجلاس کے لیے اسلام آباد میں سیکیورٹی کے سخت انتظامات کیے گئے ہیں۔اسلام آباد ٹریفک پولیس کے مطابق ریڈ زون کی طرف جانے والی تمام سڑکیں بند کر دی گئی ہیں۔اسلام آباد ٹریفک پولیس کا کہنا ہے کہ بنی گالہ سے پارک روڈ اور کلب روڈ سے راول ڈیم چوک جبکہ فیصل ایونیو کو فیض آباد پر بند کر دیا گیا ہے۔ٹریفک پولیس کا کہنا ہے کہ آئی جے پی روڈ سے آئی ایٹ جانے والی سڑکیں بند ہیں جبکہ کشمیر ہائی وے پر کنونشن سینٹر جانے والی سڑک بھی بند ہے۔اس کے علاوہ بارہ کہو تا مری روڈ بھی بند کر دیا گیا ہے۔