جم کر کھیلو! وزیراعلی مریم نواز کا پاکستان ٹیم کیلئے نیک تمناں کا اظہار

وزیراعلی پنجاب مریم نواز شریف نے پاکستان کرکٹ ٹیم کیلئے نیک تمناں کا اظہار کیا ہے۔آئی سی سی چیمپئنز ٹرافی میں روایتی حریف کے خلاف میچ میں قومی ٹیم کی جیت کے لئے وزیراعلی پنجاب مریم نواز بھی پرامید ہیں۔انہوں نے کہا ہے کہ پوری قوم کی دعائیں کرکٹ ٹیم کے ساتھ ہیں، جم کر کھیلو، پاکستان کرکٹ ٹیم کا ہر کھلاڑی سٹار ہے جو آج چمکے گا، پاکستان کا روایتی حریف سے میچ ہائی وولٹیج اور آئی سی سی چیمپئنز ٹرافی میں کرکٹ کی روح ہے۔مریم نواز کا کہنا تھا کہ پاکستان کرکٹ ٹیم میں ایسے ٹیلنٹڈ کھلاڑی ہیں جو اکیلے ہی میچ کا پانسہ پلٹ سکتے ہیں، مجھے یقین ہے پاکستان ٹیم بیٹنگ، بالنگ اور فیلڈنگ میں نئی تاریخ رقم کرے گی۔