جہلم ، رشوت لیتے ہوئے پٹواری رنگے ہاتھوں گرفتار

جہلم میں رشوت لیتے ہوئے پٹواری رنگے ہاتھوں گرفتار کر لیا گیا جس سے نشان زدہ نوٹ بھی برآمد ہوئے ہیں۔اینٹی کرپشن پولیس کے مطابق زمین کے مقدمے میں پٹواری نے شہری سے رشوت طلب کی تھی۔پولیس کا کہنا ہے کہ شہری کو ہوٹل میں بلا کر پٹواری 50 ہزار روپے رشوت کی رقم وصول کر رہا تھا۔اینٹی کرپشن پولیس نے بتایا کہ پٹواری کو تھانہ اینٹی کرپشن منتقل کر کے مقدمہ درج کر لیا گیا ہے۔