رکن گلگت بلتستان (جی بی) اسمبلی رانی صنم فریاد نے سیلاب سے متاثرہ علاقوں کا دورہ کیا، اور گھوم پھر کر انتظامات کا جائزہ لیا۔
رکن گلکت بلتستان اسمبلی رانی صنم فریاد نے سیلاب سے متاثرہ علاقوں بسین کھاری، جاگیر بسین، میاں کالونی کا دورہ کیا، اپنے دورے کے موقع پر انھوں نے دریائی سیلابی کٹاؤ اور حکومتی انتظامات کا جائزہ لیا۔
اس موقع پر انھوں نے متاثرین بسین کھاری کے ساتھ بات چیت کرتے ہوئے کہا کہ مشکل کی اس گھڑی میں متاثرین کے ساتھ کھڑے ہیں، متاثرین بسین کھاری نے ساتھ کھڑے رہنے پر شکریہ ادا کیا۔
رانی صنم فرید نے عمائدین جاگیر بسین، اور میاں کالونی سے گفتگو کرتے ہوئے کہا کہ مستقبل میں میاں کالونی کو بھی دریائی کٹاؤ سے بچانے کے اقدامات کرنا ہوں گے۔
