ساہیوال ٹیچنگ ہسپتال کے چلڈرن وارڈ میں آتشزدگی سے جاں بحق بچوں کی تعداد4 ہوگئی

ساہیوال ٹیچنگ ہسپتال کے چلڈرن وارڈ میں آتشزدگی سے متاثرہ مزید 2 بچے دم توڑ گئے جس کے بعد جاں بحق بچوں کی تعداد 4 ہو گئی ہے۔ایم ایس ساہیوال ٹیچنگ ہسپتال کا دعوی ہے کہ بچے جھلسنے سے نہیں بلکہ قبل از وقت پختگی کے باعث مرے۔ریسکیو 1122 کے مطابق وارڈ میں آگ شارٹ سرکٹ کے باعث لگی، ہسپتال کے عملے اور گارڈ نے بچوں کو محفوظ مقام پر منتقل کیا۔ریسکیو حکام کا کہنا ہے کہ آگ لگنے سے وارڈ میں موجود تمام سامان جل گیا۔وزیر اعلی پنجاب مریم نواز نے واقعے کا نوٹس لیتے ہوئے بچوں کی ہلاکت کی رپورٹ طلب کر لی ہے، ساتھ ہی انہوں نے واقعے کی مکمل تحقیقات اور ذمہ داروں کے خلاف کارروائی کی بھی ہدایت کی ہے۔