نئی دہلی:بھارت کے سابق وزیر خارجہ یشونت سنہا نے کہا ہے کہ مودی حکومت آپریشن سندور کی ناکامی چھپانے کے لئے قوم کو گمراہ کر رہی ہے۔ انٹرویو میں یشونت سنہا کا کہنا تھا کہ مودی حکومت گودی میڈیا کے ذریعے آپریشن سندور کی ناکامی چھپانے کیلئے پراپیگنڈا کر رہی ہے، مودی حکومت طیاروں کی تباہی کی اصل تعداد چھپا کر قوم کو گمراہ کر رہی ہے۔
مودی حکومت آپریشن سندور کو بہار الیکشن اور سیاسی فائدے کیلئے استعمال کرے گی، مودی، امت شاہ، جے شنکر اوراجیت دووال کو سفارت کاری اور انٹیلی جنس کی ناکامی پر استعفے دینے چاہئیں۔
آپریشن سندور کی ناکامی پر سوال کرنے والا آج بھارت میں غدار کہلاتا ہے، عوام کو حقائق بتانے کی بجائے مودی سرکار مکمل خاموش ہے، مودی نے آل پارٹی اجلاس کو نظر انداز کر کے بہار میں سیاسی بیانات دینے کو ترجیح دی۔بی جے پی اور وزیراعظم نریندر مودی پروپیگنڈا اور جھوٹ پر مبنی سیاست کر رہے ہیں۔
مودی نے پہلگام فالز فلیگ کو اپنے مذموم سیاسی مقاصد کیلئے استعمال کیا، سابق بھارتی وزیرِخارجہ کے بیانات سے واضح ہے کہ مودی کو عبرتناک شکست ہوئی ہے۔
