وطن کی دفاع کی خاطر اپوزیشن اور حکومت ایک پیج پر ہیں،مولانا فضل الرحمان

جے یو آئی سربراہ مولانا فضل الرحمان کا کہنا ہے کہ وطن کی دفاع کی خاطر اپوزیشن اور حکومت ایک پیج پر ہیں۔انہوں نے یہ بات برٹش ہائی کمشنر جین میریٹ سے اپنی رہائش گاہ میں ملاقات کے دوران کہی، ملاقات میں بین الاقوامی اور خطے کی صورتحال پر گفتگو کی گئی۔ملاقات میں حالیہ پاک بھارت کشیدگی اور خطے کے امن پر بھی بات چیت کی گئی۔مولانا نے کہا کہ بھارت کا رویہ غیر ذمہ دارانہ ہے اور اپنی ناکام سیکورٹی کا ملبہ پاکستان پر ڈال رہا ہے،مودی اپنی سیاست بچانے کے لئے دونوں ملکوں کے عوام کو جنگ کی آگ میں دھکیل رہا ہے۔انہوں نے مطالبہ کیا کہ برطانیہ اور بین الاقوامی برادری اس حوالے سے اپنا کردار ادا کرے۔وطن کی دفاع کی خاطر اپوزیشن اور حکومت ایک پیج پر ہیں۔ان کا کہنا تھا کہ قوم باہمی اتحاد سے مودی سرکار کا مقابلہ کرے گی۔