وفاقی حکومت کا سردیوں کی آمد پر غزہ کیلئے امداد بھجوانے کا فیصلہ

وفاقی حکومت نے موسم سرما کی آمد پر غزہ کے لیے امداد بھیجنے کا فیصلہ کیا ہے۔اسلام آباد میں وزیراعظم شہباز شریف کی زیر صدارت غزہ کی صورتحال پر اجلاس ہوا جس میں این ڈی ایم اے کی جانب سے بریفنگ دی گئی۔اجلاس میں غزہ کے لیے فوری طور پر 600 ٹن امداد بھیجنے کا فیصلہ کیا گیا، اس امداد میں کمبل، ادویات اور گرم کپڑے شامل ہوں گے۔امدادی سامان میں 12 ہزار سے زائد کمبل بھی شامل کیے جائیں گے۔وزیراعظم نے این ڈی ایم اے کو بہترین اشیا بھجوانے کی ہدایت کرتے ہوئے کہا کہ فلسطین کے معصوم عوام ان کے ساتھ ہیں۔انہوں نے کہا کہ عالمی برادری غزہ کے غریب عوام کی مدد کرے، عالمی برادری جنگ بندی میں کردار ادا کرے۔