پشاور سے گڑ کی آڑ میں ساڑھے 10 کلو چرس کی دوحہ اسمگلنگ ناکام

پشاور سے گڑ کی آڑ میں ساڑھے 10 کلو گرام چرس کی دوحہ اسمگلنگ ناکام بنادی گئی۔ایئر پورٹ سیکیورٹی فورس کے عملے نے پشاور ایئر پورٹ سے گڑ کی آڑ میں ساڑھے دس کلو گرام سے زائد چرس کی دوحہ اسمگلنگ کی کوشش ناکام بنا دی۔ایئر پورٹ سیکیورٹی فورس حکام کے مطابق مسافر حسن ابراہیم دوحہ کی پرواز پر سفر کیلئے پشاور ایئر پورٹ پہنچا تھا۔مسافر اپنے سامان میں گڑ سے بھرا پلاسٹک کا ایک ڈبہ بھی لے جا رہا تھا۔ ترجمان کے مطابق تلاشی کے دوران اے ایس ایف کے ماہر عملے نے پلاسٹک کے ڈبے کو مشکوک قرار دیا جس کی تفصیلی تلاشی کے دوران گڑ میں چھپائی گئی 10.60 کلو گرام چرس برآمد کر لی گئی۔ملزم کو برآمد شدہ منشیات کے ساتھ اے این ایف کے حوالے کر دیا گیا