پی ٹی آئی احتجاج: جڑواں شہروں کو ملانے والے راستے تاحال بند، ،میٹروسروس بھی بند،موبائل سروس بحال

اسلام آباد:پی ٹی آئی احتجاج کے باعث جڑواں شہروں کے بیشتر کاروباری مراکز بند ، معمولات زندگی بری طرح متاثر ، مری روڈ تین دن سے ہر طرح کی ٹریفک کیلئے بند ، مری روڈ کی طرف آنیوالی گلیوں اورراستوں پر کنٹینرز موجود ، راستوں کی بندش سے شہریوں کو مشکلات کا سامنا ،لیاقت باغ سے فیض آباد تک جگہ جگہ رکاوٹیں ، پنجاب پولیس کی نفری جگہ جگہ تعینات ، سکیورٹی ہائی الرٹ ، مریضوں کا ہسپتال پہنچنا دشوار ،موبائل انٹرنیٹ بند ہونے سے آن لائن کاروبار بھی شدید متاثر ،میٹرو بس سروس بھی تیسرے روز معطل ،مظاہرین کی ممکنہ پیش قدمی روکنے کیلئے ڈی چوک میں پاک فوج، رینجرز اور پولیس کے تازہ دم دستے موجود،مظاہرین کو اقتدار شہر سے نکالنے کیلئے انتظامیہ کا رات بھر آپریشن ، اعلی افسران کا رات گئے جناح ایونیو کا دورہ ،ایکسپریس وے، کشمیر ہائی وے ٹریفک کیلئے کھلی ، مری روڈ اور ایئرپورٹ روڈ ٹریفک کیلئے کھلے ہیں تاہم ریڈ زون جانے اور آنے والے تمام راستے بند ، اسلام آباد سے لاہور جانے کے لئے موٹروے ایم ون ٹریفک کے لئے کھلی، ایم ون پر کھودی گئی خندقوں کو بھر دیا گیا ، اسلام آباد سے پشاور جانے کیلئے موٹر وے ایم ٹو بھی کھول دی گئی ،لاہور میں تمام تمام داخلی و خارجی راستے ٹریفک کیلئے کھلے ہیں،لاہور کے سی ٹی او لاہور کا کہنا ہے کہ صوبائی دارالحکومت کے تمام باسی بآسانی شہر میں اور شہر کے باہر جا سکتے ہیں، ایسٹرن بائی پاس بھی ٹریفک کیلئے کھول دیا گیا ، بابو صابو، ٹھوکر نیاز بیگ، شاہدرہ، سگیاں سمیت تمام داخلی و خارجی راستوں پر ٹریفک معمول کے مطابق رواں دواں ۔