پاکستان

کراچی کے صارفین کیلیے بجلی 6 روپے فی یونٹ مزید مہنگی ہوگی، نیپرا میں بریفنگ

کراچی کے صارفین کیلیے بجلی 6 روپے فی یونٹ مزید مہنگی ہوگی، نیپرا میں بریفنگ

اسلام آباد: نیپرا میں کے الیکٹرک سہ ماہی ایڈجسٹمنٹس کے لیے وفاقی حکومت کی درخواستوں پر سماعت ہوئی، جس میں بریفنگ کے دوران بتایا گیا کہ صارفین کے لیے بجلی 6 روپے فی یونٹ تک مزید مہنگی ہوگی۔نیپرا کے مطابق درخواست میں رواں مالی سال کی پہلی سہ ماہی ایڈجسٹمنٹ کی مد میں 4 روپے 45 پیسے فی یونٹ تک اضافہ مانگا گیا ہے جب کہ گزشتہ مالی سال کی دوسری سہ ماہی ایڈجسٹمنٹ کی مد میں ایک روپے 55 پیسے فی یونٹ کا اضافہ مانگا گیا ہے۔ درخواستوں میں مؤقف اختیار کیا گیا ہے کہ کے الیکٹرک صارفین سے ان سہ ماہی ایڈجسٹمنٹ کا اضافہ وصول نہیں کیا گیا تھا۔درخواست میں کہا گیا ہے کہ ڈسکوز کے صارفین سے ان سہ ماہی ایڈجسٹمنٹس کا اضافہ وصول کیا جا چکا ہے۔ ملک میں یکساں ٹیرف کے لیے کے الیکٹرک صارفین سے بھی وصولی ہو گی۔دوران سماعت سی پی پی اے حکام نے بریفنگ میں بتایا کہ کے الیکٹرک کے صارفین پر 20ارب روپے تک کا اضافی بوجھ پڑے گا۔ کراچی کے صارفین اپریل سے سے جون تک اوسطاً 4 روپے 76 پیسے فی یونٹ اضافی اداکریں گے۔ نیپرا کو بریفنگ میں بتایا گیا کہ کے الیکٹرک سہ ماہی ایڈجسٹمنٹس کے تحت فی یونٹ بجلی 6 روپے تک مہنگی ہوگی جب کہ 2 سہ ماہی ایڈجسٹمنٹس سے فی یونٹ بجلی اوسطاً 4 روپے 76 پیسے فی یونٹ مہنگی ہوگی۔نیپرا نے کے الیکٹرک کے لیے 2 سہ ماہی ایڈجسٹمنٹس پر سماعت مکمل کر لی۔ اس سلسلے میں حتمی فیصلہ بعد میں جاری کیا جائے گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

güvenilir kumar siteleri