کنٹینر جلانے کا مقدمہ ، حماد اظہر، مراد سعید ، اسلم اقبال اشتہاری قرار

انسدادِ دہشت گردی عدالت لاہور میں 9 مئی کو کلمہ چوک پر کنٹینر جلانے کے مقدمے میں پیش رفت ہوئی ہے۔عدالت نے 8 روپوش پی ٹی آئی رہنماں کو اشتہاری قرار دے دیا ہے۔پی ٹی آئی رہنما اسلم اقبال، حماد اظہر، مراد سعید، زبیر نیازی، حامد رضا گیلانی، محمد جاوید، عبد الصمد اور واثق قیوم کو اشتہاری قرار دیا گیا ہے۔انسدادِ دہشت گردی عدالت کے جج ارشد جاوید نے ملزمان کو اشتہاری قرار دیا۔دوسری جانب اسلام آباد کی انسدادِ دہشت گردی کی عدالت نے تحریکِ انصاف کے جلسے کے دوران توڑ پھوڑ کے کیس میں پی ٹی آئی کے رہنماں عمر ایوب اور زرتاج گل کی عبوری ضمانتوں میں 8 جنوری تک توسیع کر دی۔اے ٹی سی جج ابوالحسنات ذوالقرنین نے عمر ایوب اور زرتاج گل کی عبوری ضمانتوں پر سماعت کی۔