کوونٹری میں پولیس کا آپریشن، 3 افراد گرفتار

برطانیہ کی ویسٹ مڈلینڈ کانٹی کے شہر کوونٹری کے مختلف علاقوں میں سنگین سرگرمیوں اور تشدد کے الزام میں 3 افراد کو گرفتار کر لیا گیا۔وارکشائر ریٹیل پارک، ایئر پورٹ ریٹیل پارک، گالا گھر ریٹیل پارک اور کوونٹری کے دیگر علاقوں میں یونیفارم اور سادہ لباس والے افسران نے گشت کیا۔ اس کے علاوہ چوری کے الزام میں ایک دکان سے ایک شخص کو بھی گرفتار کیا گیا ہے۔ویسٹ مڈلینڈز پولیس نے کہا ہے کہ یہ آپریشن اسپیشل تھا، جو ہر علاقے میں اعلی ترجیحی مسائل کی بنیاد پر کیا جاتا ہے۔پولیس کا کہنا ہے کہ افسران عوام کو اعتماد فراہم کرنے اور کاروباری مالکان کے ساتھ تعاون کی کوشش کرتے ہیں تاکہ ماحول سازگار رہے اور آپس میں مل کر جرائم کو ختم کیا جا سکے۔