گمنامی میں چلا جاؤں گا لیکن فوج سے روحانی رابطہ رہے گا،جنرل باجوہ

راولپنڈی:سبکدوش ہونے والے آرمی چیف جنرل قمر جاوید باجوہ نے کہا ہے کہ گمنامی میں چلا جاؤنگا لیکن روحانی رابطہ فوج سے رہے گا۔جی ایچ کیو راولپنڈی میں پاک فوج کی کمان کی تبدیلی تقریب سے خطاب کرتے ہوئے جنرل قمر جاوید باجوہ نے کہا کہ کم وسائل کے باوجود پاک فوج ملک کی جغرافیائی سرحدوں کی حفاظت کرتی ہے،آنے والے وقت میں فوج جنرل عاصم منیر کی زیر قیادت اس سے بڑھ کر ملک کی خدمات ودفاع کرے گی۔انہوں نے کہا کہ میں عنقریب گمنامی میں چلا جاؤنگا لیکن روحانی رابطہ فوج سے قائم رہے گا۔فوج کی کامیابی پر خوشی ہوگی۔جب فوج پر مشکل وقت آئے گا تو میری دعائیں پاک فوج کے ساتھ رہیں گی۔انہوں نے کہا کہ مزید کہا کہ فوج نے ہمیشہ میری آواز پر لبیک کہا ہے اللہ کا شکر گزار ہوں جس نے اس عظیم فوج میں خدمت کا موقع دیا۔