9 مئی مقدمات ، علی امین گنڈاپور عدالت میں پیش نہیں ہوں گے

وزیراعلی خیبرپختونخوا علی امین سانحہ 9 مئی کے مقدمات میں آج عدالت میں پیش نہیں ہوں گے۔راولپنڈی کی انسداد دہشت گردی کی عدالت میں سانحہ 9 مئی کے مقدمات کی سماعت ہوگی۔وزیر اعلی علی امین گنڈا پور کی سرکاری مصروفیات کے باعث حاضری سے استثنی کی درخواست دائر کر دی گئی۔دوسری جانب سابق وفاقی وزیر شیخ رشید اس کیس میں انسداد دہشت گردی کی عدالت میں پیش ہوئے۔