کراچی ، آج دن میں تیز دھوپ کا امکان

کراچی میں 24 گھنٹوں کے دوران مطلع صاف اور دن میں تیز دھوپ رہنے کا امکان ہے۔محکمہ موسمیات کے مطابق شہر میں آج کم سے کم درجہ حرارت 19.7 ڈگری سینٹی گریڈ ریکارڈ ہوا۔کراچی میں کم سے کم درجہ حرارت 19 سے 21 ڈگری سینٹی گریڈ اور زیادہ سے زیادہ درجہ حرارت 31 سے 33 ڈگری سینٹی گریڈ رہنے کا امکان ہے۔محکمہ موسمیات کا کہنا ہے کہ شہرِ قائد میں شمال مشرق سے ہوائیں چل سکتی ہیں، جن میں نمی کا تناسب 78 فیصد رہنے کا امکان ہے۔دوسری جانب ملک کے آلودہ ترین شہروں میں کراچی آج دوسرے نمبر پر ہے۔عالمی ویب سائٹ ایئر کوالٹی انڈیکس کے مطابق کراچی کی فضا میں آج آلودگی 213 پرٹیکیولیٹ میٹرز ریکارڈ کی گئی۔اے کیو آئی کے مطابق لاہور آلودہ ترین شہروں کی فہرست میں آج پہلے نمبر پر ہے۔لاہور کی فضا میں آلودگی 350 پرٹیکیولیٹ میٹرز ریکارڈ کی گئی ہے۔