آپریشن سوئفٹ ریٹارٹ کو 6 سال مکمل، عسکری قیادت کا مسلح افواج کو خراج تحسین

راولپنڈی:29 فروری بھارت کیلئے سپرائز ڈے، ملکی خودمختاری کے دفاع کے عزم کی تجدید کا دن ہے، آپریشن سوئفٹ ریٹارٹ کے 6 سال مکمل ہوگئے۔پاک فضائیہ نے 27 فروری 2019 کو بھارتی دراندازی کا تاریخ ساز دفاع کیا، 26 فروری کو بھارتی فضائیہ نے جعلی سرجیکل سٹرائیک کا ڈرامہ رچایا، بھارت نے سرجیکل سٹرائیک کے نام پر رات میں پاکستانی فضائی حدود کی خلاف ورزی کی۔پاک فضائیہ نے دن کے اجالے میں بھارتی دراندازی کا مثر جواب دیا، پاک فضائیہ کے شاہینوں نے 27 فروری کو 2 بھارتی لڑاکا طیارے مار گرائے، آپریشن میں بھارتی پائلٹ ابھی نندن کو بھی گرفتار کیا گیا۔
آپریشن سوئفٹ ریٹارٹ کے 6 سال مکمل ہونے پر چیئرمین جوائنٹ چیفس آف سٹاف، سروسز چیفس نے مسلح افواج کو خراج تحسین پیش کیا۔پاک فوج کے شعبہ تعلقات عامہ (آئی ایس پی آر) کے مطابق عسکری قیادت نے مسلح افواج کے غیرمتزلزل حوصلے، پروفیشنلزم، قربانیوں کو سراہا، آپریشن سوئفٹ ریٹارٹ بھارت کی بلا جواز جارحیت کے خلاف ایک مضبوط اور محتاط جواب تھا۔
آپریشن نے پاکستان کے اپنی خود مختاری اور علاقائی سالمیت کے تحفظ کے عزم کو ایک بار پھر ثابت کیا، آپریشن نے پاکستان کی مسلح افواج کی آپریشنل مہارت اور تیاری کو اجاگر کیا، جارحیت کو مثر طریقے سے روکنے اور فوری جواب کی صلاحیت کا مظاہرہ بھی ہوا۔