بغیر اجازت ریلی نکالنے پر امیر جماعت اسلامی اور پارٹی رہنماؤں کے خلاف مقدمہ درج

ساہیوال: بغیر اجازت ریلی نکالنے پر جماعت اسلامی کے امیر حافظ نعیم الرحمن سمیت جماعت اسلامی کے سینئر ارکان کے خلاف مقدمہ درج کرلیا گیا۔ ایف آئی آر میں 80 دیگر کے علاوہ پارٹی کے پنجاب چیپٹر کے امیر جاوید قصوری کو بھی نامزد کیا گیا ہے۔ ایف آئی آر کے مطابق جماعت اسلامی نے کوئی بھی اجتماع کرنے سے پہلے باضابطہ اجازت نہیں لی تھی جبکہ ضلعی انتظامیہ کو اس کا علم نہیں تھا۔ لوگوں کے بہت زیادہ جمع ہونے کے باعث ٹریفک بری طرح متاثر ہوئی جس سے شہریوں کی روزمرہ زندگی بری طرح متاثر ہوئی۔