بلوچستان میں ملٹری آپریشنز کی ضرورت نہیں ، سرفرا ز بگٹی

وزیراعلی بلوچستان سرفراز بگٹی کا کہنا ہے کہ بلوچستان میں فوجی آپریشن کی ضرورت نہیں۔کوئٹہ میں پریس کانفرنس کرتے ہوئے سرفراز بگٹی نے کہا کہ جھوٹے پروپیگنڈے کے ذریعے معصوم لوگوں کو گمراہ کیا جا رہا ہے اور نوجوانوں کو ریاست کے سامنے کھڑا کیا جا رہا ہے۔انہوں نے کہا کہ ہم بلوچ لڑکیوں کے لیے اعلی تعلیم کا بندوبست کر رہے ہیں، آپ ان لڑکیوں کو لے جا کر جنگ کے ایندھن میں دھکیل رہے ہیں، یہ لوگ کیسے لوگوں کو مار کر بلوچستان کی خدمت کر رہے ہیں۔سرفراز بگٹی کا کہنا ہے کہ پنجگور میں افسوسناک واقعہ ہوا، جس کی جتنی بھی مذمت کی جائے کم ہے، کوئٹہ میں ایک معصوم حجام کو قتل کردیا گیا۔وزیر اعلی بلوچستان کا مزید کہنا تھا کہ بیٹی کا شکریہ ادا کرتا ہوں جس کو احساس ہوا کہ وہ غلط راستے پر ہے۔ان کا یہ بھی کہنا ہے کہ والدین کی سب سے بڑی ذمہ داری اپنے بچوں پر نظر رکھنا ہے۔