صحت

کیا آپ بادام کے ان فوائد سے واقف ہیں؟

بادام میں بڑے پیمانے پر چکنائی موجود ہوتی ہے تاہم یہ ناسیر شدہ چکنائی ہوتی ہے جو کہ دل کے لیے نہایت مفید ہوتی ہے کیوں کہ اس کی وجہ سے جسم میں ہائی ڈینسٹی لیپو پروٹین یعنی ایچ ڈی ایل کولیسٹرول (اچھے کولیسٹرول) کی سطح میں اضافہ ہوتا ہے اور انسان دل کی بیماریوں سے محفوظ رہتا ہے۔ اس کے علاوہ بادام میں فائبر اور پروٹین بھی موجود ہوتا ہے۔ بادام کے استعمال سے جسم میں وٹامن ای، سیلینیم، زنک، کیلشیم، مگنیشیم اور وٹامن بی کی کمی پوری ہو جاتی ہے۔

چنیوٹ کے دو دیہات میں درجنوں افراد میں ایڈز کا انکشاف

چنیوٹ: نواحی علاقے چک 128 بھٹی والا اور کوٹ خدا یار میں 7 بچوں سمیت 41 افراد میں ایڈز کے موذی مرض کا انکشاف ہوا ہے۔

ایکسپریس نیوز کے مطابق چنیوٹ کے نواحی علاقے چک 128 بھٹی والا اور کوٹ خدایار میں 41 افراد میں ایڈز کے مرض کا انکشاف ہوا ہے۔ یہ انکشاف اس وقت ہوا جب محکمہ صحت کے 2 افسران کے درمیان خط کا تبادلہ ہوا اور خط میں کہا گیا کہ رواں برس 20 اور 21 جولائی کو محکمہ صحت کی ٹیم نے چک 128 بھٹی والا کا دورہ کیا اور متعدد افراد کے ایڈز ٹیسٹ کے لئے خون کے نمونے لئے گئے اور وہ نمونے  22 جولائی کو لاہور لیبارٹری میں بجھوائے گئے جہاں 7 بچوں سمیت 41 افراد میں ایڈز کے مرض کی تصدیق ہوئی۔

عام گھریلو چیزوں سے دانتوں کا درد بھگائیے

 انسانی صحت کے ساتھ کئی مسائل جڑے ہوتے ہیں، کبھی سر میں درد کبھی کمر میں تکلیف لیکن سب سے تکلیف دہ درد جس میں انسان کو بے حد درد برداشت کرنا پڑتا ہے وہ ہے دانتوں میں تکلیف۔

دانتوں کی تکلیف کئی بار مریض کے لیے ناقابل برداشت ہوتی ہے ، دانتوں میں درد کی وجہ سے مریض نہ تو ٹھیک طرح سے کھانا کھا سکتا ہے اور نہ کچھ پی سکتا ہےکیونکہ ٹھنڈا گرم لگنے کی وجہ سے بھی مریض کو شدید تکلیف برداشت کرنی پڑتی ہے اور جب تک مریض ڈاکٹر سے اپوائٹمنٹ لیتا ہے درد مزید ناقابل برداشت ہوجاتا ہے لیکن چند گھریلو ٹوٹکے استعمال کرنے پر دانتوں کی تکلیف میں فوراً کمی ممکن ہے۔

330 بیماریوں کے بارے میں عالمی رپورٹ شائع ہوگئی

لندن: مشہور طبی تحقیقی جریدے ’’دی لینسٹ‘‘ نے امراض کے بوجھ اور ان سے ہونے والی اموات کے بارے میں عالمی جائزے پر مبنی رپورٹ جاری کردی ہے جس میں 195 ممالک سے 330 مختلف بیماریوں کے اعداد و شمار کا جمع کیے گئے ہیں۔

’’گلوبل برڈن آف ڈزیز‘‘ کے نام سے شائع ہونے والی یہ سالانہ رپورٹ اگرچہ بہت تفصیلی ہے تاہم اس کے چیدہ چیدہ نکات میں بتایا گیا ہے کہ گزشتہ سال (2016 میں) ہونے والی ہر 5 اموات میں سے 1 ناقص غذا یا غذائی قلت کے نتیجے میں ہوئی تھی جبکہ اسی عرصے میں تمباکو نوشی نے 71 لاکھ افراد کو دنیا بھر میں موت کے گھاٹ اتار دیا۔

رپورٹ میں یہ انکشاف بھی کیا گیا ہے کہ اس وقت کم از کم 1 ارب 10 کروڑ افراد کسی نہ کسی نفسیاتی بیماری یا دماغی مسئلے کا شکار ہیں جبکہ 191 ممالک میں ڈپریشن یا اسی قبیل کے نفسیاتی مسائل، 10 بڑے دماغی امراض میں شامل ہیں۔

چائے اور کافی سے چھٹکارا پانے کے آسان طریقے

کراچی: چائے اور کافی موجودہ دور میں انسان کی ضرورت بن گئی ہیں اب بنا چائے یا کافی کے کسی کی صبح ہوتی ہی نہیں ، صبح اٹھ کر سب سے پہلے جس چیز کی ضرورت ہوتی ہے وہ ہے چائے یا کافی۔

چائے اور کافی ایک نشہ ہے جس کی لت میں مبتلا انسان کو اس سے پیچھا چھڑانے کے لیے بہت جتن کرنے پڑتے ہیں، چائے اور کافی انسانی صحت کے لیے نہایت نقصان دہ ہے ان میں موجود کیفین جسم سے کیلشیم کی مقدار کم کرکے ہڈیوں کو بہت نقصان پہنچاتا ہے ایک باراگر چائے یا کا فی کی لت لگ جائے پھران سے جان چھڑانا بہت مشکل ہوتا ہے تاہم اب ان سے چھٹکارا حاصل کرنا نہا یت آسان ہے۔

اسمارٹ فون؛ انسانی یادداشت اور ذہانت کا دشمن

آکسفورڈ: برطانوی دماغی ماہرین نے خبردار کیا ہے کہ اسمارٹ فون اور دیگر دستی آلات پر بڑھتا ہوا انحصار ہماری یادداشت، معلومات جمع کرنے اور مسائل حل کرنے کے لیے سوچ بچار کی صلاحیت شدید متاثر کررہا ہے۔

اسی لیے ممتاز دماغی ماہر نے خبردار کیا ہے کہ اسمارٹ فون کا بے تحاشا استعمال اور اس پر انحصار ہمیں غبی اور کند ذہن بنارہا ہے۔

دماغی ماہر ڈاکٹر سوسن گرین فیلڈ نے کہا ہے کہ  ٹیکنالوجی کا بڑھتا ہوا استعمال آج کی نسل کو شدید متاثر کررہا ہے اور ان میں معلومات جمع کرنے اور مسائل حل کرنے کی صلاحیت اور محنت میں کمی واقع ہورہی ہے۔

ستمبر میں پیدا ہونے والے بچے زیادہ ذہین ہوتے ہیں، تحقیق

نئی تحقیق میں یہ بات سامنے آئی ہے کہ ستمبر کے مہینے میں پیدا ہونے والے بچے دیگر بچوں کی نسبت زیادہ ذہین ہوتے ہیں۔

برطانوی میڈیا رپورٹ کے مطابق یونیورسٹی آف ٹورنٹو، یونیورسٹی آف فلوریڈا اور نارتھ ویسٹرن یونیورسٹی کی مشترکہ ٹیم نے  1994 سے 2000 تک فلوریڈا میں زیر تعلیم رہنے والے 6 سے 15 برس کے اسکول کے بچوں کے ڈیٹا کا جائزہ لیا۔ ماہرین کی ٹیم نے اگست میں پیدا ہونے والے بچوں اور ستمبر میں پیدا ہونے والے بچوں کی تعلیمی کارکردگی پر غور کیا۔

تحقیق کے نتیجے میں یہ بات سامنے آئی کہ ستمبر کے مہینے میں پیدا ہونے والے بچوں کی اسکول میں کارکردگی زیادہ اچھی رہی جبکہ وہ بچے جو اگست میں پیدا ہوئے انہیں اسکول میں مشکلات پیش آئیں۔ تحقیق میں بتایا گیا کہ اس میں ستاروں کا کوئی عمل دخل نہیں بلکہ اس فرق کی اہم وجہ بچوں کی عمر ہے، اسکول شروع کرنے والے وہ بچے جو دیگر بچوں کے مقابلے میں کچھ مہینے بڑے ہوتے ہیں ان کی کارکردگی اسکول میں اور زندگی کے دیگر شعبوں میں بھی بہتر ہوتی ہے۔

پھل زیادہ کھانا موٹاپا دور بھگائے

اگر تو آپ جسمانی وزن کم کرنے کی کوشش کررہے ہیں تو اسٹرابری یا سیب کا استعمال زیادہ شروع کردیں اس سے طویل المعیاد عرصے کے لیے فائدہ حاصل ہوتا ہے۔

یہ بات امریکا میں ہونے والی ایک طبی تحقیق میں سامنے آئی۔

ہاورڈ میڈیکل اسکول کی تحقیق میں کہا گیا ہے کہ ہوسکتا ہے کہ جسمانی وزن میں کمی کے لیے یہ بات عجیب لگے مگر زیادہ کھانا ہی اس کی کنجی ہے۔

Google Analytics Alternative