صحت

قبض سے نجات دلانے والے انتہائی آسان اور کارگر نسخے

اکثر افراد قبض کی بیماری کا سامنا کرتے ہیں اور انہیں اپنی زندگی اس کی وجہ سے بہت مشکل محسوس ہونے لگتی ہے۔

اس بیماری سے جلد ریلیف کے لیے ان قدرتی طریقہ علاج کو آزما کر دیکھیں۔

پودینے یا ادرک کی چائے

پودینہ اور ادرک دونوں معدے سے متعلق متعدد شکایات کے لیے آزمائے ہوئے گھریلو نسخے ہیں۔ پودینے میں موجود مینتھول غذائی نالی کے پٹھوں کو ریلکس کرنے میں مدد دیتی ہے جبکہ ادرک ایک گرم جڑی بوٹی ہے جو جسم کے اندر حرارت بڑھاتی ہے اور کھانا جلد ہضم ہوجاتا ہے۔

فائبر

فائبر کسی پائپ کلینر کی طرح کام کرتے ہوئے آپ کی غذائی نالی میں موجود غذا اور فضلے کے اجزاءکی صفائی کرتا ہے، بیج، دالوں، دلیہ، باداموں، متعدد سبزیوں اور خشک میوہ جات میں فائبر کی مقدار کافی ہوتی ہے اور روزانہ 20 سے 35 گرام فائبر کا استعمال قبض کی شکایت میں کمی لانے کے لیے مددگار ثابت ہوسکتا ہے، تاہم بہت زیادہ فائبر جسم کا حصہ بنانے پر پانی کا استعمال بھی زیادہ کرنا چاہئے۔

صحت بخش چربی

زیتون، نٹس وغیرہ صحت بخش چربی یا فیٹس سے بھرپور ہوتے ہیں جو انتڑیوں کے نظام میں بہتری لاکر قبض کی شکایت کم کرتے ہیں۔

لیموں پانی

لیموں پانی میں شامل سیٹرک ایسڈ غذائی نظام میں تحریک کا کام کرتا ہے اور جسم میں موجود زہریلے مواد کو باہر نکالنے میں مدد دیتا ہے۔ ہر صبح ایک گلاس لیموں پانی یا لیموں کو چائے میں شامل کرکے استعمال کریں جس سے نظام ہاضمہ میں بہتری آئے گی۔

شیرہ

سونے سے قبل ایک چائے کا چمچ شیرے کا استعمال صبح کے وقت قبض سے ریلیف میں مددگار ثابت ہوسکتا ہے۔ اس شیرے میں کافی مقدار میں وٹامنز اور منرلز خاص طور پر میگنیشم شامل ہوتے ہیں جو اس بیماری میں کمی لانے میں مدد دیتے ہیں۔

کافی

کافی آنتوں میں تحریک پیدا کرکے قبض کا توڑ کرتی ہے، دیگر گرم مشروبات بھی مددگار ثابت ہوسکتے ہیں جیسے ہربل ٹی یا ایک کپ گرم پانی جس میں کچھ مقدار میں لیموں کا عرق یا شہد شامل ہو۔

کشمش

فائبر سے بھرپور ہونے کے ساتھ ساتھ کشمش میں ٹارٹارک ایسڈ بھی شامل ہوتا ہے جو ہلکے جلاب جیسا اثر دکھاتا ہے۔ ایک تحقیق کے مطابق آدھا اونس کشمش روزانہ کا استعمال کرنے والے افراد کا نظام ہاضمہ دوگنا تیزی سے کام کرتا ہے۔ چیری اور خوبانی بھی فائبر سے بھرپور ہوتی ہیں اور قبض کو زوردار ضرب لگاتی ہیں۔

آلوچہ

یہ فائبر سے بھرپور پھل ایسا گھریلو علاج ہے جو نظام ہاضمہ کو پھر سے ٹریک پر لاتا ہے۔ تین آلوچے تین گرام فائبر جسم کا حصہ بناتے ہیں جبکہ ان میں ایک جز ایسا بھی پایا جاتا ہے جو انٹریوں کو حرکت میں لاتا ہے۔

جسم کو حرکت دیں

روزانہ 15 منٹ تک چہل قدمی سے خوراک زیادہ تیزی سے ہضم ہوتا ہے۔ اگر زیادہ کھانے کے بعد آپ غنودگی محسوس کررہے ہو تو لیٹنے کی بجائے چہل قدمی کی کوش کریں، جس سے ہضم کا عمل تیز ہوجائے گا اور قبض کی شکایت سے بچ جائیں گے۔

کیسٹر آئل

قبض کا یہ گھریلو نسخہ برسوں سے استعمال ہورہا ہے۔ ایک سے دو چائے کے چمچ کیسٹر آئل کو خالی پیٹ استعمال کریں اور آٹھ گھنٹوں میں اس کے مثبت نتائج سامنے آئیں گے۔ درحقیقت اس تیل میں موجود ایک جز آپ کے جسم کی چھوٹی بڑی انتڑیوں کو حرکت میں لاکر قبض سے نجات دلاتا ہے۔

 

انسانی جلد کے بارے میں دلچسب حقائق

اپنی جلد کے بارے میں درج ذیل حقائق آپ کو دنگ کرکے رکھ دیں گے۔

اگر آپ جسم پر موجود جلد کو کسی طرح اتار کر چادر کی طرح پھیلائیں تو یہ 20 اسکوائر فٹ تک کے حصے کو کور کرلے گی۔

یہ انسانی جسم کا سب سے بڑا عضو ہے جو مجموعی جسمانی وزن کے 15 فیصد حصے کے برابر ہوتا ہے۔

میلانن نامی ہارمون یا مادہ آپ کے جلد اور آنکھوں کی رنگت کو کنٹرول کرتا ہے ۔

انسانی جلد ہر 28 دن بعد خود کو نیا یا تجدید کرتی ہے۔

آپ کے گھر میں پائی جانے والی مٹی کا بڑا حصہ درحقیقت مردہ جلدی خلیات پر مشتمل ہوتا ہے۔

جسم میں پائے جانے والا ایک پروٹین کیراٹین آپ کی جلد کو واٹر پروف بناتا ہے۔

یہ سورج کی روشنی میں اپنے لیے خود وٹامن ڈی تیار کرتی ہے۔

جلد تین تہوں پر مشتمل ہوتی ہے اور اوپری تہہ میں 18 سے 23 چھوٹی تہیں ہوتی ہیں جو کہ مردہ جلدی خلیات کی ہوتی ہیں۔

جلد کے اندر 11 میل لمبی خون کی شریانیں سمائی ہوئی ہیں۔

جلد پر موجود روئیں گرم ہوا کو جلد کے پاس رکھنے میں مددگار ثابت ہوتی ہیں۔

آپ کی جلد لاکھوں کروڑوں آرگنزم (عضویہ) کا گھر ہے اور ایک ہزار قسم کے بیکٹریا بھی اس میں رہتے ہیں۔

گرم پانی کے حیرت انگیز فوائد

اسلام آباد : چین کے شہری ٹھنڈا پانی پینے کے بجائے گرم پانی پینے کو ترجیح دیتے ہیں دیکھنے میں یہ ایک عجیب روایت لگتی ہے لیکن اگر اس کے طبی فوائد دیکھیں تو آپ بھی گرم پانی پینے کیلئے دوڑ پڑیں گے.

وزن میں کمی

گرم پانی پینے سے آپ کے جسم کا درجہ حرارت بلند ہوگا جس سے میٹا بولزم ریٹ بڑھ جائے گا اور آپ باآسانی وزن کم کر پائیں گے

معدے کیلئے سکون

گرم پانی پینے سے بھوک میں کمی ہوتی ہے اور کم کھانا آپ کے معدے کیلئے بہت مفید ثابت ہوتا ہے اس کے ساتھ ہی ہماری آنتیں بھی صاف ہوجاتی ہیں۔

زہریلے مادوں کا اخراج

جسم سے زیریلے مادوں کا اخراج ماہرین صحت کا کہنا ہے کہ گرم پانی جسم سے زہریلے مادوں کو پاخانہ اور پیشاب کے ذریعے خارج کرتا ہے جب آپ گرم پانی پیتے ہیں تو ایسے اجزائ جو حل نہیں ہوپاتے وہ بھی حل ہوجاتے ہیں اورہم زیرلے مادوں سے جان چھڑا لیتے ہیں۔

منہ کھلا رکھ کر سونا دانتوں کے لیے تباہ کن ثابت

اوٹاگو یونیورسٹی کی تھقیق میں بتایا گیا ہے کہ منہ کھلا رکھ کر سونا دانتوں کے لیے اتنا ہی تباہ کن ثابت ہوتا ہے جتنا سونے کے لیے جانے سے قبل میٹھے مشروبات کا استعمال۔

تحقیق میں بتایا گیا ہے کہ نیند کے دوران منہ کھلا رہنے وہ خشک ہوجاتا ہے جس سے لعاب دہن کے حفاظتی اثرات ختم ہوجاتے ہیں جو کہ ان بیکٹریا کا خاتمے کرتے ہیں جو تیزابیت پیدا کرتے ہیں۔

رات کے وقت تیزابیت کی سطح بڑھنے سے دانتوں کی فرسودگی کا عمل شروع ہو جاتا ہے۔

محققین کا ماننا ہے کہ نتائج سے یہ جاننے میں مدد ملے گی کہ منہ کھول کر سونے کی عادت دانتوں کی کمزوری کا باعث بنتی ہے۔

عام طور پر نزلے کے شکار افراد، دمہ یا خراٹے لینے والے منہ کھول کر سوتے ہیں اور وہ ہی اس خطرے سے سب سے زیادہ دوچار ہوتے ہیں۔

تحقیق میں یہ بات سامنے آئی کہ دوران نیند ایک تہائی مرد منہ کھول کر سانس لیتے ہیں جبکہ خواتین میں یہ شرح صرف 5 فیصد تھی۔

محققین نے بتایا کہ نتائج سے اس خیال کو تقویت ملتی ہے کہ منہ سے سانس لینا دانتوں کے امراض کی بڑی وجہ ہوتی ہے۔

چہرے کی جلد کی خوبصورتی کیلےچند حیرت انگیز جڑی بوٹیاں

انسان چہرے کی جلد کی خوبصورتی کے لیے مہنگی ترین کریمیں اور دیگر پراڈکٹس استعمال کرتا ہے لیکن ان میں موجود کیمیکل جلد پر کئی مضر اثرات مرتب کرتے ہیں لیکن ماہرین جلد کا کہنا ہے کہ اگر ان اجزا کو توجہ اور تسلسل کے ساتھ استعمال کیا جائے تو چہرہ دلکش اور جاذب نظر ہو جاتا ہے۔

ملتانی مٹی

اگرچہ کی قسم کی مٹی کو لوگ چہرے کے لیے استعمال کرتے ہیں تاہم ان میں ملتانی مٹی جلد کی صفائی اور چمک کے لیے بہترین ہے۔ ماہرین کا کہنا ہے کہ ملتانی مٹی کو پانی، عرق گلاب، گھیگوار، دہی یا پھر دودھ میں ملا کر استعمال کیا جائے تو اس کے نتائج زیادہ بہتر ہوتے ہیں۔ ملتانی مٹی جلد سے زہریلے مادوں کو نکال کر خلیوں کو نئی زندگی دے دیتی ہے اور چہرے پر دانوں کو بھی روکتی ہے۔

دودھ

دلچسپ بات یہ ہے کہ زیادہ تر کلینزرز دودھ سے ہی بنائے جاتے ہیں یا پھر ان میں دودھ اہم ترین جز ہوتا ہے۔ دودھ نہ صرف چہرے کو صاف کرنے بلکہ چہرے کو چمک دینے کی خوبیاں بھی رکھتا ہے۔ دودھ میں موجود چکنائی چہرے پر نمی برقرار رکھتی ہے جس سے چہرہ نرم اور صاف رہتا ہے.

عرق گلاب

عرق گلاب پھولوں میں سے ایک انتہائی کارآمد پھول ہے جس میں جلد کو خوبصورتی دینے والی کئی خوبیاں موجود ہیں جس میں چہرے کو صاف کرنے کی صلاحیت سب سے زیادہ ہے۔ چند قطرے عرق گلاب کو روئی کے ٹکڑے پر ڈال کر اس سے اپنے چہرے کو روزانہ سونے سے قبل صاف کریں اور یہی عمل صبح بھی دہرائیں۔

چنے کا آٹا

چنے آٹا زمانہ قدیم سے چہرے کی خوبصورتی کے لیے استعمال کیا جاتا رہا ہے۔ چنے کے آٹا کو عرق گلاب میں ملا کر چہرے پر فیس ماسک کی طرح لگا لیں جبکہ اس سے چہرے پر مساج بھی کیا جا سکتا ہے

مصالحہ کا استعمال، جسم کی چربی تین گنا رفتار سے کم

اسلام آباد: اگر آپ اپنے بڑھتے ہوئے وزن کی وجہ سے پریشان ہیں یا باوجود علاج کے آپ کا وزن اور جسم کی چربی کم نہیں ہو پارہی تو پریشان نہ ہوں کیونکہ آج ہم آپ کو ایک ایسے مصالحے کے بارے میں بتائیں گے جس کے استعمال سے آپ کے جسم کی چربی تین گنا رفتار سے کم ہونے لگے گی۔
یہ مصالحہ جسے لوگ زیرہ کے نام سے جانتے ہیں ہر گھر کے باورچی خانے میں مل جاتا ہے۔اگر آپ اس کا صرف ایک چمچ دن میں کھائیںتو آپ کے جسم کی چربی تین گنا رفتار سے کم ہونے لگے گی۔ایران کی شاہد سادوگہی یونیورسٹی میں کی گئی تحقیق میں یہ بات سامنے آئی ہے کہ زیرہ جسم میں چربی کو پگھلانے میں اہم کردار ادا کرتا ہے۔تحقیق میں زائد وزن والی 88خواتین کو دو گروہوں میں تقسیم کیا گیا۔ایک گروہ کو تین گرام زیرہ (تقریباایک چائے کا چمچ)اور پانچ گرام دہی دی گئی جبکہ دوسرے گروہ کو صرف دہی کھانے کا کہا گیا جبکہ دونوں گروہوں کی خواتین نے ایک دن میں 500حرارے کھائے۔تین مہینے بعد تحقیق کار یہ دیکھ کر حیران رہ گئے کہ جو خواتین زیرہ کھارہی تھیں انہوں نے تین پانڈیا1.4گلوگرام وزن کم کیاجبکہ دوسرے گروہ کا وزن زیادہ کم نہ ہوا۔ماہرین کا کہنا تھا کہ زیرہ کھانے والی خواتین نے زیرہ نہ کھانے والوں کی نسبت تین گنا زیادہ وزن کم کیا۔یہ بات بھی دیکھنے میں آئی کہ زیرہ کھانے والی خواتین میں کولیسٹرول کی مقدار بھی کافی کم ہوچکی تھی اور ان کا باڈی ماس انڈیکس(BMI)بھی کم تھا۔
زیرہ کی خاصیت
زیرے میں انٹی آکسیڈینٹس اور phytosterolsپائے جاتے ہیں۔موخرالذکر میں یہ خاصیت موجود ہے کہ یہ جسم میں کولیسٹرول کو کم کرنے میں مددگار ہوتا ہے۔زیرے کا استعمال کینسر کے لئے بھی بہت فائدہ مند ہے۔اس کے علاوہ یہ آئرن کی کمی کو دور کرکے انسانی مدافعتی نظام کو مضبوط بناتا ہے۔
زیرے کا استعمال
آپ چاہیں تو زیرے کو مختلف طریقوں سے استعمال کرسکتے ہیں جیسے دہی میں ڈال کر،سبزیوں کے اوپر چھڑک کر۔آپ چاہیں تو کھانا بناتے ہوئے زیرے کا وافر استعمال کرسکتے ہیں اور اگر چاولوں میں زیرہ ڈال کر کھایا جائے تو چاولوں کا ذائقہ لاجواب ہوجاتا ہے۔

کمردردسے نجات کاآسان طریقہ
لاہور(نیوزڈیسک) اگر آپ کو کمر میں درد ہے اور ہر طرح کا علاج کرنے سے بھی آرام نہیں آرہا تو پریشان مت ہوں کیونکہ آج ہم آپ کو ادرک کے ذریعے کمر کی درد ٹھیک کرنے کا قدرتی اور آسان طریقہ بتائیں گے۔
ادرک کے ٹکڑے کو باریک کاٹ لیں اور اسے اس جگہ رکھیں جہاں کمر یا ریڑھ کی ہڈی میں تکلیف ہے۔اگر آپ کو ادرک کی وجہ سے چبھن یا تکلیف محسوس ہو تو ادرک اور جسم کے درمیان ایک انتہائی باریک کپڑا یا ٹشو رکھ لیں۔آپ چاہیں تو ادرک کو کسی کپڑے میں باندھ کر کمر کے متاثرہ حصہ پر ساری رات لگا رہنے دیں۔صبح اٹھیں گے تو درد کافی حد تک ٹھیک ہوچکی جائے گی۔چاہیں تو اس عمل کو دھرا بھی سکتے ہیں۔

ناریل کے تیل کے بہت سارے فوائد کے بارے میں زیادہ تر لوگ ناواقف ہیں

ناریل کے تیل کے انسانی صحت اور خوبصورتی کے حوالے سے فوائد عمومی طور پر سب جانتے ہیں، جبکہ بالوں کی نشوونما کے لیے ناریل کے تیل کا استعمال عام سی بات ہے، تاہم ناریل کے تیل کے بہت سارے فوائد کے بارے میں زیادہ تر لوگ ناواقف ہیں۔

جلد کے لیے : چہرے کی جلد کو خوبصورت اور تر و تازہ کرنے کے لیے ناریل کے تیل میں تھوڑی سے چینی ملا کر اسے چہرے پر 10 منٹ تک لگانے سے مردہ خلیے (ڈیڈ سیلز) ختم ہوجاتے ہیں۔

اگر ناریل کے تیل میں چینی کی جگہ نمک ملا کر اس کا روزانہ استعمال کیا جائے تو یہ آپ کی جلد کو انفیکشن اور دانوں سے بچانے میں بھی مددگار ثابت ہوگا۔

دانتوں کے لیے: یوں تو دانتوں کو مضبوط رکھنے کے لیے مارکیٹ میں کئی طرح کے ٹوتھ پیسٹ دستیاب ہیں، لیکن یہ اب سے زیادہ کارآمد ٹوتھ پیسٹ ثابت ہوسکتا ہے۔

تھوڑا سا ناریل کا تیل اور نمک دانتوں میں روزانہ تین سے چار منٹ تک لگانے سے دانت مضبوط، کیڑے سے پاک اور چمکدار رہتے ہیں۔

بالوں کے لیے: یہ ہر کوئی جانتا ہے کہ ناریل کے تیل کا استعمال آپ کے بالوں کو ٹوٹنے سے بچاتا ہے اور انہیں لمبا اور گہرا رکھنے میں مدد دیتا ہے، لیکن کیا آپ جانتے ہیں ناریل کا تیل اور لیموں کا جوس ملا کر لگانے سے آپ اپنے بالوں کو لمبے عرصے تک سفید ہونے سے بھی روک سکتے ہیں۔

پاؤں کے لیے: ناریل کے تیل کے چوٹ ٹھیک کرنے کی خصوصیت سے سب واقف ہیں، لیکن اگر ہر رات سونے سے پہلے پاؤں پر ناریل کا تیل لگا کر موزے پہن لیے جائیں تو پاؤں کی پھٹی ہوئی ایڑیاں ایک ہفتے میں ٹھیک ہوسکتی ہیں۔

ہونٹوں کے لیے: زیادہ تر لوگوں کو یہ نہیں پتہ کہ ناریل کے تیل میں جلد کو نرم و ملائم رکھنے کی کمال خصوصیت موجود ہے، اور اگر روز رات کو ہونٹوں پر تھوڑا سا ناریل کا تیل لگا کر سویا جائے تو آپ کے ہونٹ کسی بھی موسم میں پھٹنے سے بچ سکتے ہیں۔

زیکا وائرس میکسیکو اور امریکا کے چھبیس ممالک میں پھیل چکا

لندن : برطانوی حکومت نے زیکا وائرس سے متاثرہ ممالک سے برطانیہ پہنچنے والی پروازوں میں کیڑے مار ادویات کا اسپرے کرنے کا فیصلہ کیاہے۔ایک برطانوی اخبار کی رپورٹ کے مطابق برطانوی حکومت نے زیکا وائرس سے بچاوکے لئے حفاظتی اقدامات کرنے کافیصلہ کر لیا ہے۔جس کے تحت زیکا وائرس سے متاثر ممالک سے برطانیہ آنے والی پروازوں میں کیڑے مار ادویات کا اسپرے کیا جائے گا۔عالمی ادارہ صحت کے مطابق زیکا وائرس میکسیکو اور برازیل سمیت وسطی اور لاطینی امریکا کے چھبیس ممالک میں پھیل چکا ہے۔برطانیہ میں ان ممالک سے آنے والی زیادہ تر پروازوں میں پہلے سے ہی حفاظتی اقدامات کے تحت ملیریا سمیت مچھروں سے پھیلنے والی بیماروں سے بچاو کے لیے اسپرے کیا جاتا ہے

Google Analytics Alternative