بدقسمت آبدوز ٹائٹن سے بھیجا گیا آخری پیغام سامنے آگیا

بحر اوقیانوس میں تباہ ہونے والی بدقسمت آبدوز ‘ٹائٹن’ کا بھیجا گیا آخری پیغام سامنے آگیا ہے۔غیر ملکی میڈیا رپورٹس کے مطابق بدقسمت ٹائٹینک سیاحتی مقام پر آنے والی آبدوز کی جانب سے رابطہ منقطع ہونے سے قبل بھیجا گیا پیغام اب تباہ ہونے کے تقریبا ایک سال بعد سامنے آیا ہے۔میڈیا رپورٹس کے مطابق بدقسمت آبدوز میں 5 مسافر سوار تھے جنہیں زیر آب آنے کے باعث مواصلاتی مسائل کا سامنا تھا تاہم وہ پر امید تھے۔”یہاں سب کچھ ٹھیک ہے،” اس نے پھانسی سے پہلے اپنے آخری پیغام میں کہا۔میڈیا رپورٹس کے مطابق تباہ ہونے والی آبدوز کا آخری پیغام مقامی وقت کے مطابق 10 بج کر 47 منٹ پر بھیجا گیا، جب آبدوز 3 ہزار 346 میٹر کی گہرائی میں تھی۔امریکی کوسٹ گارڈ نے واقعے کی تحقیقات اور ایسے ہی حادثات کو روکنے کے لیے 2 ہفتے کی انکوائری شروع کی ہے۔کوسٹ گارڈ کا میرین بورڈ آف انویسٹی گیشن اوشین گیٹ کے 10 سابق ملازمین اور میرین سیفٹی ماہرین سے پوچھ گچھ کرے گا۔تحقیقات میں ٹائٹن کے ڈیزائن، حفاظتی تاریخ اور سابقہ آلات کے مسائل کا جائزہ لیا جائے گا۔