سیلاب سے بچنے کیلئے ڈیم تعمیر کرنا ہونگے بریگیڈیئر ریٹائرڈ اعظم خان آفندی

بریگیڈیئر ریٹائرڈ اعظم خان آفندی نے کہا کہ متاثرین سیلاب کی بحالی صرف حکومت کی ذمہ داری نہیں بلکہ معاشرے کے ہر فرد پر زمہ داری عائد ہوتی ہے کہ وہ متاثرین کی آباد کاری تک سکون سے نہ بیٹھے اور اس میں بھر پور طریقے سے اپنا کردار ادا کریں ان خیالات کا اظہار انہوں نے گزشتہ روز سماجی تنظیم اے آر پی ڈی کے زیر اہتمام اسلام آباد کلب میں منعقدہ سیمنار سے خطاب کرتے ہوئے کیا۔ انہوں نے کہا کہ پاکستان میں پر دس سال بعد ایک بڑے سیلاب کی صورت میں آفت آتی ہے مگر ہم نے آج تک اس سبق سے کچھ نہیں سیکھا ہمیں سیلاب سے بچنے کیلئے ڈیم تعمیر کرنا ہونگے تاکہ ہم آنے والی تباہ کاریوں سے بچ سکیں، تقریب سے خطاب کرتے ہوئے محترمہ انجم انور نے کہا کہ ایک پاکستانی کے طور پر اپنا کردار بخوبی ادا کرنا چاہیئے ہیں اور سیلاب سے متاثرہ اپنے مصیبت زدہ بھائیوں کی مدد کی مدد کرنا چاہیئے ہیں۔رفاہ یونی ورسٹی کے پروفیسر ڈاکٹر راشد خان نے کہا کہ پاکستانی ہر سال جی فی پی کا دس فیصد حصہ دفاعی کاموں پر خرچ کرتے ہیں اس نازک گھڑی میں بھی انہیں آگے آنا چائیے ہیں سابق وزیر اعظم کے معالج ڈاکٹر افتخار نے کہا کہ دین اسلام آپس میں ایک دوسرے کی مدد کرنے پر زور دیتا ہے اور ذاتی آمدن میں غریب اور بے بس افراد کے حصے کے طور پر زکواۃ کا نظام متعارف کروایا ہے، دفتر خارجہ کے ریٹائرڈ چیف آف پروٹوکول تصور خان نے کہا کہ دنیا میں پاکستانی قوم فلاحی کاموں میں سب سے آگے مانی جاتی ہے بہت سارے پاکستانی تنظیمیں افغانستان، بنگلہ دیش، سری لنکا اور نیپال جیسے ترقی پذیر ممالک میں سماجی کاموں میں مصروف ہیں۔ ضرورت اس امر کی بات کی ہے کہ اس نازک صورت حال میں اپنی پاکستانیوں کی مدد کریں۔ ریٹائرڈ دفاعی سیکرٹری میں ابو عاکف نے اپنے خطاب میں کہا کہ اگر قران پاک کا مطالعہ کیا جائے تو اس میں بار بار مسلمانوں کے آپس میں اتحاد، اتفاق اور تعاون پر زور دیا گیا ہے غرابا، مساکین اور کم آمدنی والے افراد پر خرچ کرنے کا حکم دیا گیا ہے