ثانیہ مرزا اور محمد شامی کی شادی کی افواہوں پر والد کا سخت ردعمل

ثانیہ مرزا کے والد نے محمد شامی کے ساتھ دوسری شادی کی افواہوں پر سخت ردعمل دے دیا۔بھارتی میڈیا کے مطابق ثانیہ مرزا اور بھارتی فاسٹ بولر محمد شامی کی مستقبل میں شادی کی افواہیں حال ہی میں گردش کرنے لگیں۔اب ثانیہ مرزا کے والد عمران مرزا نے ان افواہوں پر سخت ردعمل کا اظہار کیا ہے۔بھارتی میڈیا سے گفتگو کرتے ہوئے عمران مرزا نے واضح کیا کہ یہ سب بکواس ہے، ثانیہ مرزا نے کبھی محمد شامی سے ملاقات تک نہیں کی۔اس سے قبل بھارتی میڈیا کی جانب سے دعوی کیا جارہا تھا کہ ثانیہ مرزا جلد ہی کرکٹر محمد شامی سے شادی کرنے جارہی ہیں۔