عید میلادالنبیۖ توپوں کی سلامی سے دن کا آغاز

عید میلادالنبی ۖ پر نماز فجر کے بعد وفاقی دارالحکومت میں 31 اور صوبائی دارالحکومتوں میں 21 توپوں کی سلامی دی گئی۔دن کے آغاز پر مساجد اور گھروں میں ملکی ترقی، سلامتی، خوشحالی اور امت مسلمہ کے اتحاد کے لیے خصوصی دعائیں کی گئیں۔رحمت اللعالمین، خاتم النبیین، ہادی عالم، نبی کریم ۖ کا یوم ولادت آج ملک بھر میں مذہبی جوش و جذبے سے منایا جا رہا ہے۔ شہر شہر، گلی گلی روشن ہو گئی ہے، مساجد، بلند و بالا عمارتیں، بازار اور چوراہوں پر سبز جھنڈیوں کی بہار ہے۔ملک بھر میں درود و سلام کی مجالس کا انعقاد کیا جا رہا ہے اور جلوس نکالے جائیں گے جہاں سے والہانہ محبت کا اظہار کیا جا رہا ہے۔دوسری جانب عید میلادالنبی ۖ کے موقع پر صدر مملکت اور وزیراعظم نے بھی امت مسلمہ کے نام خصوصی پیغامات جاری کیے ہیں۔