نئی دہلی: انتہا پسند بھارتی سیاسی جماعت بی جے پی کی مودی سرکار نے انتخابات میں ووٹ حاصل کرنے کے لیے رام مندر کو بھی داؤ پر لگا دیا۔بھارت کی جنتا دل پارٹی کے رہنما اجے یادیو نے بی جے پی حکومت پر رام مندر کو بم سے اڑانے کے منصوبے کا الزام لگا دیا۔ پارٹی کے ایم ایل اے نےاپنے الزام میں کہا ہے کہ بی جے پی 22 جنوری 2024ء کو رام مندر کے افتتاح کے موقع پر بم دھماکا کرے گی اور اس ممکنہ دھماکے سے مذہبی تناؤ شدت اختیار کر جائے گا۔اجے یادیو نے الزام عائد کرتے ہوئے دعویٰ کیا ہے کہ مودی سرکار ایودھیہ رام مندر پر حملہ کرکے الزام پاکستان اور مسلمانوں پر لگانا چاہتی ہے۔ ہمارے ٹیکس کے پیسے سے تعمیر کیے گئے رام مندر کا کریڈٹ بی جے پی لے رہی ہے۔دریں اثنا جنتا دل پارٹی کے ایم پی کوشلندر کمار نے بھی مودی سرکار کی پالیسیوں کو تنقید کا نشانہ بناتے ہوئے کہا کہ رام سب کا صرف بی جے پی کا نہیں ۔ واضح رہے کہ 22 جنوری 2024ء کو رام مندر کے افتتاح کے موقع پر مودی کو بطور مہمان خصوصی شرکت کی دعوت دی گئی ہے۔بھارتی پولیس کا کہنا ہے کہ نامعلوم شخص کی کال موصول ہوئی جس میں 22 جنوری کو رام مندر کے افتتاح کے موقع پر دھماکا کرنے کی دھمکی دی گئی۔ این ڈی ٹی وی کے مطابق تیہار سنگھ اور اوم پرکاش مشرا نامی 2 افراد نے سوشل میڈیا کے ذریعے یوگی آدتیہ اور رام مندر کو بم سے اڑانے کی دھمکی دی۔
دنیا
مودی سرکار نے سیاسی مفاد کے لیے رام مندر کو بھی داؤ پر لگادیا
- by Daily Pakistan
- جنوری 9, 2024
- 0 Comments
- Less than a minute
- 486 Views
- 8 مہینے ago