پاکستان کے انتخابات کو قریب سے دیکھ رہے ہیں ، امریکہ

امریکی محکمہ خارجہ کے نائب ترجمان ویدانت پٹیل کا کہنا ہے کہ پاکستان کے انتخابی عمل کو قریب سے دیکھا جا رہا ہے۔امریکی محکمہ خارجہ کے نائب ترجمان ویدانت پٹیل نے پریس بریفنگ میں کہا کہ وہ چاہتے ہیں کہ اس عمل میں اظہار رائے کی آزادی کا احترام کیا جائے۔ویدانت پٹیل نے کہا کہ پرتشدد واقعات، میڈیا کی آزادی پر پابندی، انٹرنیٹ کی آزادی سمیت اظہار رائے پر پابندی پر تشویش ہے۔انہوں نے کہا کہ پاکستانیوں کو یہ حق حاصل ہے کہ وہ آزادانہ اور منصفانہ انتخابات کے ذریعے اپنے قائدین کا انتخاب کریں۔امریکی محکمہ خارجہ کے نائب ترجمان نے مزید کہا کہ پاکستانی عوام کو اپنے سیاسی مستقبل کا فیصلہ بغیر کسی خوف، تشدد یا دھمکی کے کرنا چاہیے۔