پاکستان کے باؤلر زدنیا کی بہترین بیٹنگ لائن کو پریشان کر سکتے ہیں ، کپتان زمباوے کرکٹ ٹیم

پاکستان کے باؤلر زدنیا کی بہترین بیٹنگ لائن کو پریشان کر سکتے ہیں ، کپتان زمباوے کرکٹ ٹیم
زمبابوے کرکٹ ٹیم کے کپتان کریگ ایروین نے کہا ہے کہ پاکستان ہمارے لئے سخت حریف ثابت ہو گا ، پاکستانی باؤلز دنیا کے بہترین بیٹس مین کیلئے پریشانی کا باعث بن سکتے ہیں تاہم گرین شرٹس کے چیلنج کیلئے تیار ہیں۔
تفصیلات کے مطابق پرتھ میں پریس کانفرنس کے دوران زمباوے کرکٹ ٹیم کے کپتان کریگ ایروین نے بیان دیا کہ چیلینجنگ میچ کے ابتدائی چھ اوورز کافی اہم ہیں اور پاکستان کے پاس نئے گیند کے بہترین باؤلرز ہیں جو دنیا کی کسی بھی بیٹنگ لائن کیلئے پریشانی کا باعث بن سکتے ہیں ۔
ان کا مزید کہنا تھا کہ ابتدائی اوورز میں ڈبلز لینے اور مڈل اوورز میں باؤنڈریز لگانے کی کوشش کریں گے، حارث رؤف بہت ہی بہترین باؤلر ہیں اور ان کیخلاف سٹرائیک روٹیٹ کرتے رہنا بہت اہم ہے ۔
کریگ ایروین نے امید ظاہر کی کہ سکندر رضا گزشتہ میچز کی طرح پاکستان کیخلاف میچ میں بھی اپنی بہترین کارکردگی کا سلسلہ جاری رکھیں گے اور عمدہ کھیل پیش کریں گے۔
واضح رہے کہ ٹی 20 ورلڈ کپ میں کل پاکستان اور زمبابوے کا میچ پرتھ میں شیڈول ہے جو پاکستانی وقت کے مطابق سہ پہر 4 بجے شروع ہو گا۔