لاہور – صوبے میں حزب اختلاف کی ایک بڑی جماعت پاکستان تحریک انصاف (پی ٹی آئی) پر پابندی کے مطالبے کی قرارداد پیر کو پنجاب اسمبلی سیکرٹریٹ میں جمع کرادی گئی۔
قرارداد میں کہا گیا ہے کہ پی ٹی آئی ایک انتہا پسند جماعت ہے اور اس پر فوری پابندی عائد کرنے کا مطالبہ کرتی ہے۔ مسلم لیگ (ن) کی رکن حنا پرویز بٹ کی جانب سے جمع کرائی گئی قرارداد میں کہا گیا کہ یہ ایوان پاکستان تحریک انصاف کے کارکنوں کی طرف سے گروپوں میں وفاق پر حملے کی شدید مذمت کرتا ہے۔ مزید پڑھیں: عظمیٰ بخاری کا پی ٹی آئی رہنماؤں پر طنز، احتجاج فلاپ شو قرار اس میں کہا گیا کہ ایک صوبے کے چیف ایگزیکٹو اور سابق خاتون اول وفاق پر حملہ کر رہے ہیں۔ شرپسندوں اور فسادیوں نے پولیس اہلکاروں کو زخمی اور گاڑیوں کو آگ لگا دی۔ قرارداد میں کہا گیا کہ ایک گروہ نے سوچی سمجھی سازش کے تحت عوام کی جان و مال کو نقصان پہنچایا، تحریک انصاف کے ایک روزہ احتجاج سے پاکستان کو 190 ارب روپے کا نقصان ہوا۔
