پی ٹی آئی کے جلسہ گاہ کے قریب سے مشکوک بیگ برآمد

پاکستان تحریک انصاف (پی ٹی آئی)کے جلسہ گاہ کے قریب سے مشکوک بیگ برآمد ہوا ہے۔پولیس کے مطابق بیگ سے ہینڈ گرینیڈ، ڈیٹونیٹر، تار اور دیگر بارودی مواد ملا ہے۔ بم ڈسپوزل اسکواڈ بھی پہنچ کر تحقیقات کر رہی ہیں۔پی ٹی آئی کے جلسے کے پیش نظر فیض آباد سمیت راولپنڈی سے اسلام آباد جانے والے متعدد راستے بند کر دیے گئے۔ امنِ عامہ برقرار رکھنے کے لیے اسلام آباد انتظامیہ کی ہدایت پر ضلع بھر میں سکیورٹی ریڈ الرٹ ہے۔ راولپنڈی اسلام آباد کو ملانے والے متبادل راستے کھلے ہیں۔