پی ٹی آئی کے جلسے کیلئے صوابی میں پولیس اہلکار تعینات

پاکستان تحریکِ انصاف (پی ٹی آئی)کے جلسے کے لیے صوابی میں 819 پولیس اہلکار تعینات کیے گئے ہیں۔پولیس کے مطابق تعینات کیے گئے اہلکاروں میں 631 کانسٹیبلز اور 27 اے ایس آئیز شامل ہیں۔پولیس حکام نے بتایا کہ تمام متعلقہ ڈی ایس پی، ایس پیز اور ٹریفک پولیس بھی ذمے داریاں انجام دیں گے۔پولیس کے مطابق مردان، صوابی اور چارسدہ سے بھی اہلکاروں کو طلب کیا گیا ہے۔پولیس حکام نے بتایا کہ وزیرِ اعلی اور وزرا کے ساتھ اپنے اپنے سیکیورٹی اسکواڈ ہوں گے، اہلکاروں کو امن و امان کی صورتِ حال برقرار رکھنے کے لیے تعینات کیا گیا ہے۔