اسلام آباد – چیف جسٹس آف پاکستان (سی جے پی) جسٹس یحییٰ آفریدی نے تین محققین کو سپریم کورٹ میں تعینات کردیا۔
چیف جسٹس آف پاکستان یحییٰ آفریدی نے سپریم کورٹ کے لیے تین محققین کو ڈیپوٹیشن پر تعینات کردیا۔ سینئر سول جج ظفر اقبال، سول جج حسن ریاض اور سول جج وقاص علی مظہر اس سے قبل جسٹس منصور علی شاہ کے ساتھ کام کر چکے ہیں۔ مزید پڑھیں: چیف جسٹس آفریدی نے اپنے دفتر میں اہم افسران کی تقرری کر دی۔ ان کو سابق چیف جسٹس قاضی فائز عیسیٰ نے ان کی سابقہ ڈیپوٹیشن کی تکمیل کے بعد لاہور ہائی کورٹ بھیجا تھا۔ یہ پیش رفت چیف جسٹس آفریدی کی اپنے دفتر میں اہم افسران کی تعیناتی کے صرف دو دن بعد ہوئی ہے۔ باضابطہ نوٹیفکیشن کے مطابق سینئر پرائیویٹ سیکرٹری محمد یاسین کو گریڈ 21 میں چیف جسٹس کا سیکرٹری تعینات کیا گیا ہے جبکہ سینئر پرائیویٹ سیکرٹری محمد عارف نے گریڈ 20 میں ایگزیکٹو آفیسر کا عہدہ سنبھال لیا ہے۔
