آئینی ترمیم آزاد عدلیہ کا گلہ گھونٹنے کا عمل ہے ،عمر ایوب

قومی اسمبلی میں اپوزیشن لیڈر عمر ایوب کا کہنا ہے کہ جن لوگوں کا شکریہ ادا کیا جا رہا ہے ان میں نامعلوم افراد کو شامل کر کے آئینی ترمیم آزاد عدلیہ کا گلا گھونٹنے کا عمل ہے۔عمر ایوب نے قومی اسمبلی سے خطاب میں کہا کہ یہ آئینی ترمیم پاکستانی عوام کی نمائندگی نہیں کرتی، 31 اکتوبر کو ترمیم منظور ہو گئی تو کیا ہو گا۔انہوں نے کہا کہ مبارک زیب، ظہور قریشی، اورنگزیب کھچی، ریاض فتیانہ، زین قریشی، عادل بازئی پر دبا ڈالا گیا۔عادل بازئی کا پلازہ مسمار کردیا گیا، زین قریشی کی اہلیہ کو رات گئے گاڑی سے زبردستی نکال کر اغوا کرلیا گیا، فجر کے وقت اسپیکر ایاز صادق نے پیغام دیا کہ زین قریشی کی اہلیہ واپس آگئی ہیں۔عمر ایوب نے کہا کہ ریاض فتیانہ کے بیٹے کو دو بار اغوا کیا گیا، اندر پنجوٹا 11 دن سے لاپتہ ہے، مبین جٹ کا گھر مسمار کیا گیا، اس سارے عمل میں ہمارے ارکان کو مارا پیٹا گیا۔پی ٹی آئی رہنما کا کہنا تھا کہ چوہدری الیاس عثمان علی کو اغوا کرکے آج یہاں لے آیا، مبارک زیب کا بھائی پی ٹی آئی کا کارکن تھا، وہ لاپتہ ہوا اور آج پیش ہوا، ظہور قریشی غائب ہوا اور آج یہاں پیش ہوا۔ ہو گیا اورنگزیب کھچی کو جبرا غائب کر دیا گیا۔ان کا مزید کہنا تھا کہ بانی پی ٹی آئی کے سیل میں 5 دن سے بجلی نہیں ہے۔