آسٹریلوی ٹیم نے ون ڈے میں 6 کیچز ڈراپ کرنے کا ریکارڈ برابر کردیا

لاہور: آسٹریلوی ٹیم نے ایک ون ڈے میچ میں 6 کیچز ڈراپ کرنے کا اپنا ریکارڈ برابر کردیا۔لکھنو میں کھیلے جانے والے ورلڈ کپ میچ میں کینگروز نے جنوبی افریقی بیٹرز کو 6بار چانسز دیے، اس سے قبل گزشتہ سال ایڈیلیڈ میں انگلینڈ سے میچ میں بھی اتنے ہی کیچز ڈراپ کیے تھے۔ورلڈکپ میں ابھی تک کیچز میں بھارت سرفہرست ہے جس کے فیلڈرز کی کامیاب کوششوں کا تناسب 92 فیصد رہا، بنگلہ دیش 91 فیصد دوسرے، نیدرلینڈز 83 تیسرے، پاکستان 79 چوتھے، انگلینڈ 78 پانچویں،نیوزی لینڈ 71 چھٹے، جنوبی افریقہ 67 ساتویں، افغانستان 60آٹھویں، سری لنکا 58نویں اور آسٹریلیا54 فیصد سب سے آخر میں ہے۔