اسپیکر نے حکومت اور اپوزیشن ارکان پر مشتمل کمیٹی بنا دی

سپیکر سردار ایاز صادق نے قومی اسمبلی کے قواعد و ضوابط کے تحت 11 ستمبر 2024 کو قومی اسمبلی کے اجلاس میں منظور کی گئی تحریک کے تناظر میں خصوصی کمیٹی تشکیل دی۔18 رکنی خصوصی پارلیمانی کمیٹی کے قیام کا نوٹیفکیشن جاری کر دیا گیا ہے جس میں کہا گیا ہے کہ کمیٹی پارلیمانی کاروبار کے مسائل کے حل کے لیے متفقہ لائحہ عمل مرتب کرے گی۔کمیٹی میں حکومتی اور اپوزیشن ارکان کو برابر کی تعداد میں شامل کیا گیا ہے۔18 رکنی خصوصی پارلیمانی کمیٹی میں اسحاق ڈار، خواجہ آصف، خورشید شاہ، خالد مقبول صدیقی، امین الحق، چوہدری سالک، عبدالعلیم خان شامل ہیں۔اس کے علاوہ اعجازالحق، خالد مگسی، صاحبزادہ حامد رضا، بیرسٹر گوہر، شاہدہ بیگم، اختر مینگل، حمید حسین، محمود خان اچکزئی بھی کمیٹی کا حصہ ہیں۔نوٹیفکیشن کے مطابق وزیر پارلیمانی امور بھی کمیٹی کا حصہ ہوں گے