اقوام متحدہ نے کشمیر کے بارے میں دوہرا معیار اپنا رکھا ھے سید گلشن احمد

رہنماء ڈی،ایچ،ایف وائس چیرمین تحریک استقامت جموں و کشمیر سید گلشن احمد نے ایک بیان میں کہا ھے کہ 27 اکتوبر 1947ء کو ہری سنگھ اور شیخ عبداللہ کی ملی بھگت سے بھارت نے کشمیر میں فورسز داخل کرکے جبری قبضہ کیا۔ بے گناہ عوام پر مظالم ڈھانا شروع کئے گئےاور کشمیریوں کو بنیادی انسانی حقوق سے یکسر محروم کر دیا گیا۔یہی وجہ ہے کہ کشمیری عوام 27 اکتوبر کو یوم سیاہ کے طور پر یاد کرتی ھے انہوں نے کہا کہ بھارتی محکومی اور مظالم کا مقابلہ ریاستی عوام دلیری سے کر رھی ھے اور جدوجہد آزادی میں تحریک کے شانہ بشانہ پچھلی سات دہائیوں سے جبری قبضے کے خلاف مزاحمت کر رھی ھے۔انہوں نے مزید کہا کہ اقوام متحدہ نے کشمیر کے بارے میں دوہری پالیسی اور دوہرا معیار اپنا رکھا ھے قراردادوں پر عملدرآمد نہ کرا کر بھارتی جارحیت کو تقویت بخشی گئی ھے ۔ رہنماء حریت کانفرنس نے پاکستانی حکومت اور مسلح افواج کا شکریہ ادا کرتے ھوئے کہا کہ پاکستان نے سفارتی ، اخلاقی سطح پر کشمیری عوام کی تکالیف کو وفود کے ذریعے سے پوری دنیا میں اجاگر کیا۔جس کو کشمیری عوام قدر کی نگاہ سے دیکھتی ھے ۔امید حق ھے کہ ان شاءاللہ جلد ہی ان کوششوں کی بدولت کشمیری قوم اپنی جدوجہد کو منطقی انجام تک پہنچانے میں کامیاب ھو گی