الیکشن کے دن بلا تعطل بجلی فراہم کی جائیگی

چیف ایگزیکٹو فیسکو کا کہنا ہے کہ الیکشن کے دن بجلی کی بلاتعطل فراہمی ہو گی۔چیف ایگزیکٹو فیسکو نے اپنے بیان میں کہا کہ فیسکو ہیڈ کوارٹر میں خصوصی مانیٹرنگ سیل قائم کر دیا گیا ہے۔انہوں نے کہا کہ فیلڈ سٹاف کی چھٹیاں منسوخ کر کے ایمرجنسی ڈیوٹیاں لگا دی گئی ہیں۔ان کا مزید کہنا تھا کہ ریجن کے 8 اضلاع میں 5 ہزار ملازمین ڈیوٹی سرانجام دیں گے۔اسی طرح پیسکو کی جانب سے عام انتخابات 2024 میں بجلی کی بلاتعطل فراہمی کی تیاریاں مکمل ہیں۔پیسکو کا کہنا ہے کہ 8، 7 اور 9 فروری کو بلاتعطل بجلی کی فراہمی کو یقینی بنایا جائے گا۔اس سلسلے میں کنٹرول روم قائم کر دیا گیا ہے، پیسکو کا عملہ الیکشن کے روز ہائی الرٹ رہے گا۔