باصلاحیت عرب فنکار نے چاول کے دانے پر خانہ کعبہ کی مائیکرو پینٹنگ بنا کر سبکو حیران کردیا

مراکش سے تعلق رکھنے والے ایک باصلاحیت فنکار فواد کیدبانی نے چاول کے دانے پر خانہ کعبہ کی مائیکرو پینٹنگ بناکر اپنی شاندار مہارت کامظاہرہ کرتے ہوئے سب کے دل موہ لیے ۔چھوٹے کینوس کا استعمال کرتے ہوئے ، کیدبانی اسلام کے مقدس ترین مقامات میں سے ایک کے جوہر اور خوبصورتی کو حاصل کرنے میں کامیا ب ہوئے ۔ماہر فنکار نے پتھروں کو تراشنے کیلئے مائیکر وسکوپک لینز ، اور دیگر سامان کا استعمال کیا ہے ، لیکن چاول یا دانہ پر پینٹنگ کیلئے داڑی کے بال یا بھنوﺅں کو بطور برش استعمال کیاہے ۔ اس کے علاوہ مختلف دیگر چیزوں جیسے مونگ پھلی کے چھلکے ، چینی کے دانے ، پنسل کی نوک ، دال ، انسانی ناخن اور دیگر چھوٹی اشیاءپر بھی اپنے فن کا مظاہرہ کیا۔