بانی پی ٹی آئی جیل میں 15 دن سے بجلی کے بغیر رہ رہے ہیں ، عالیہ حمزہ

پی ٹی آئی رہنما عالیہ حمزہ کا کہنا ہے کہ رات گئے ترمیم کرکے آئین اور قانون کو دفن کردیا گیا۔لاہور کی انسداد دہشت گردی کی عدالت کے باہر میڈیا سے گفتگو کرتے ہوئے عالیہ حمزہ نے کہا کہ تحریک انصاف نے پورے عمل کا بائیکاٹ کیا ہے۔انہوں نے کہا ہے کہ بانی پی ٹی آئی 15 دن سے بجلی کے بغیر جیل میں رہ رہے ہیں۔عالیہ حمزہ کا کہنا ہے کہ ہم مایوس نہیں، میرا لیڈر جیل میں بیٹھ کر جیت گیا۔واضح رہے کہ سینیٹ سے منظوری کے بعد قومی اسمبلی کے اجلاس میں 26ویں آئینی ترمیم کی منظوری دے دی گئی ہے۔سپیکر قومی اسمبلی نے اعلان کیا ہے کہ 225 ارکان نے ترمیم کے حق میں جب کہ 12 نے آئینی ترمیم کے خلاف ووٹ دیا۔