بانی پی ٹی آئی کیخلاف اڈیالہ جیل میں آج 3 کیسز کی سماعت مقرر

اڈیالہ جیل میں آج بانی پی ٹی آئی کیخلاف تین کیسز کی سماعت مقرر کی گئی ہے ۔ سائفر کیس کی سماعت آفیشل سیکرٹ ایکٹ کی خصوصی عدلت کے جج ابوالحسنات ذوالقرنین کرینگے۔سائفر کیس میں بانی پی ٹی آئی اور شاہ محمود قریشی پر فرد جرم عائد کی جائیگی ۔توشہ خانہ کیس میں بانی پی ٹی آئی کی درخواست ضمانتوں پر سماعت ہوگی ،کیس کی سماعت احتساب عدالت کے جج محمد بشیر کرینگے۔بانی پی ٹی آئی کیخلاف توہین الیکشن کمیشن کیس کی سماعت بھی آج اڈیالہ جیل میں ہوگی ۔توہین الیکشن کمیشن کی سماعت نثار احمد درانی کی سربراہی میں چار رکنی کمیشن کریگا۔الیکش کمیشن نے فرد جرم عائد کرنے کیلئے جیل ٹرائل کی منظوری دی تھی ۔ توہین الیکشن کمیشن کیس میں ٹرائل سے متعلق محفوظ فیصلہ چھ دسمبر کو سنایا گیا تھا۔